Bayer – Bepanthen cream 50 mg/g

Bepanthen cream 50 mg/g

Përbërësi aktiv në kremin Bepanthen është dekspantenoli, i cili përfshihet në një emulsion me përthithje të shpejtë dhe përmbajtje të ulët vaji. Në qelizat e lëkurës, dekspantenoli shndërrohet me shpejtësi në acid pantotenik. Acidi pantotenik është i përfshirë si në formimin e lëkurës ashtu edhe në rigjenerimin e saj.

Kremi Bepanthen përdoret për t’u kujdesur për:

• Lëkurën e thatë, të ashpër dhe të çarë.
• Trajtimin e lezioneve të vogla të lëkurës si djegiet, gërryerjet dhe acarimet e lëkurës.
• Skuqjen nga pelenat.
• Ulcerat kronike ose plagët e presionit.
• Krisjet e lëkurës në anus.
• Mbrojtjen e gjëndrave të qumështit te nënat që ushqejnë me gji, për thithkat e çara.

Udhëzime mbi përdorimin

Për të nxitur shërimin dhe forcimin e epitelit, si dhe për kujdes të rregullt të lëkurës, aplikoni një shtresë të hollë në mënyrë të barabartë në lëkurë një ose më shumë herë në ditë, sipas nevojës.

Kujdes!
Përdorimi i paarsyeshëm i medikamenteve është i dëmshëm për shëndetin. Lexoni me kujdes udhëzimet e përdorimit ose informacionin përkatës në paketim. Bisedoni me mjekun ose farmacistin tuaj në lidhje me përdorimin e medikamentit.